Тошкент фармацевтика институтида ишга тушган “Book café” ўзбек ва жаҳон адабиётининг энг сара асарларидан намуналар, мутахассислик бўйича илмий адабиётлар, рисолалар билан жиҳозланган бўлиб, талабалар бу ерда тамадди қилиш билан бирга севган китобларни мутолаа қилишлари ҳам мумкин. 

Талабалар ўзларига зарур бўлган китобларни Интернет тармоғи орқали топиб, ундан фойдаланишлари учун “Book café”да бепул wi-fi тармоғи ҳам ўрнатилган. Бундай қулайлик ёшларни қизиқтириши табиий. 

Институт ректори “Book café” фаолияти талабаларнинг ўзлари жамоатчилик назоратини олиб бориши, ёшларнинг талаб ва таклифлари асосида маскан фаолияти такомиллаштириб борилишини таъкидлади. Шунингдек, талабалар-ёшларнинг яратилган бу каби имкониятдан қай даражада оқилона фойдаланиши ҳам мониторинг қилинишини маълум қилди. ​​

Манба: ЎзА