Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Ўзбекистон – Нидерландия ҳамкорлигининг истиқболлари муҳокама қилинди
2019-02-15 | Иқтисодиёт
Ўзбекистон Республикаси Қишлоқ хўжалиги вазирлигида Москва шаҳрида жойлашган Нидерландия элчихонасининг қишлоқ хўжалиги масалалари бўйича маслаҳатчиси Браувер Меувес билан учрашув ўтказилди.
Учрашув давомида шу йил март ойининг биринчи ярмида Нидерландиядан қишлоқ хўжалиги миссиясининг Ўзбекистонга ташрифини ташкил этиш масалалари муҳокама қилинди. Ташриф доирасида BB, B2G ва G2G форматларида учрашувлар ўтказилиши кутилмоқда.
Томонлар нидерландиялик компаниялар томонидан фермерлар учун демо-презентациялар ташкил этиш ва Ўзбекистоннинг ихтисослашган университетларида маърузалар ўтказиш имкониятларини муҳокама қилди. Ихтисослашган билим ва инновация марказларини яратиш учун нидерландиялик мутахассисларни жалб этишга қизиқиш билдирилди.
Қишлоқ хўжалиги соҳасида агрофорумларни, ихтисослаштирилган кўргазмалар ўтказиш ва илғор технологияларни намойиш этиш учун платформа вазифасини бажарадиган “Ҳорти” марказининг фаолияти ҳақида маълумот берилди.
Муҳайё Тошқораева, ЎзА
Манба: ЎзА
