Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Энг кучли қиличбозлар Тошкентда баҳслашади
2019-02-15 | Спорт
Бугун гимнастика бўйича Республика ихтисослаштирилган Олимпия захиралари болалар-ўсмирлар спорт мактабида Марказий Осиё қиличбозлик конфедерациясининг ўсмирлар ва кадетлар ўртасида I очиқ чемпионати бошланди.
Мусобақа Жисмоний тарбия ва спорт вазирлиги, Миллий олимпия қўмитаси, Ўзбекистон миллий ахборот агентлиги, Ўзбекистон миллий телерадиокомпанияси ҳамда мамлакатимиз қиличбозлик федерацияси ҳамкорлигида ўтказилмоқда.
Бугун бўлиб ўтган мусобақанинг тантанали очилиш маросимида Ўзбекистон қиличбозлик федерацияси раиси Рустам Шоабдураҳмонов ва бошқалар мaмлaкaтимиздa истеъдодли ёшлaрни ҳaр томонлaмa қўллaб-қуввaтлaш, сaлоҳиятини тўлиқ рўёбгa чиқaришгa қaрaтилaётгaн эътибор спортчилaримизнинг хaлқaро мaйдонлaрдa эришaётгaн ютуқлaридa яққол нaмоён бўлaётгaнини тaъкидлaб, Марказий Осиё қиличбозлик конфедерациясининг ўсмирлар ва кадетлар ўртасидаги I очиқ чемпионати юқори савияда ўтишига ва мазкур мусобақаларда спортчиларимиз муносиб иштирок этишига ишонч билдирди.
Ўзбекистонда илк маротаба ўтказилаётган мазкур мусобақада вакилларимиз билан бирга Афғонистон, Тожикистон, Туркманистон, Қирғизистон ва Қозоғистондан келган 150 нафардан ортиқ спортчи ғолиблик учун куч синашмоқда.
17 февралга қадар давом этадиган яккалик мусобақаларида қиличбозлар шамшир, қилич ва рапира йўналишларида ғолиблик учун куч синашади.
Жавоҳир Тошхўжаев, ЎзА
Манба: ЎзА
