Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Халқимиз ҳамжиҳатлигини намоён этувчи қадрият
2019-01-26 | Экология
Мамлакатимизда ўтказилаётган умумхалқ экологик ҳашари Фарғона вилоятида ҳам кўтаринки руҳда давом этмоқда.
Эрта тонгдан ҳашарчилар ҳудудларни ободонлаштириш, ўз қишлоғи, маҳалласи, кўчаси ва зиёратгоҳларни тартибга келтиришни бошлади. Ушбу тадбирни миллий қадриятларимизга хос ташкил этиш ва юқори савияда ўтказишга давлат ва жамоат ташкилотлари, фуқароларнинг ўзини ўзи бошқариш органлари бош-қош бўлмоқда.
– Оролбўйи минтақасида экологик ҳолатни ва аҳолининг яшаш шароитларини яхшилаш мақсадида ўтказилаётган мазкур ҳашарда халқимизнинг ҳамжиҳатлиги яна бир бор намоён бўлди, – дейди Ўзбекистон экологик ҳаракати Фарғона вилоят ҳудудий бўлинмаси бошлиғи М. Маҳмудов. – Ҳашарда шаҳар ва туманларимизда 1 миллион 400 мингдан зиёд кишининг иштирок этаётгани ҳам буни яққол кўрсатиб турибди.
Фарғоналик ёшлар ҳам умумхалқ хайрия ҳашарида фаол иштирок этмоқда. Фарғона давлат университети, Фарғона политехника институти талаба-ёшлари ўзлари таҳсил олаётган масканни ободонлаштиришга муносиб ҳисса қўшмоқда. Қўқонлик ёшлар эса халқаро ҳунармандчилик фестивалига тайёргарлик ишлари доирасида кўчалар, хиёбонлар ва қадамжоларни яна обод қилишга астойдил бел боғлаган.
Ҳашар вилоятдаги 1 минг 36 маҳалла фуқаролар йиғинида ҳам қизғин давом этмоқда. Бундай савобли тадбирга уюшмаган ёшлар ҳам кенг жалб этилгани уларни юрт тақдири учун дахлдорлик, эртанги кун учун масъулиятни ҳис этиш, истиқлол неъматларини кўз қорачиғидек асраб-авайлаш руҳида тарбиялашда муҳим аҳамият касб этади.
Маъсуджон Сулаймонов, Муқимжон Қодиров(сурат), ЎзА
Манба: ЎзА
