Тошкент шаҳар ҳокимлигида Россия Федерациясининг "Галактика"​ корпорацияси вакиллари билан учрашув бўлиб ўтди. Учрашув аввалида Давлат раҳбарлари ташаббуси билан Ўзбекистон ва Россия алоқалари ривожланиб бораётгани таъкидланди.

Хусусан, ҳудудлараро бизнес форумларнинг ўтказиб борилаётгани томонлар учун манфаатли кечаётгани қайд этилди. Музокараларда коммунал хизмат кўрсатиш соҳасида ягона диспетчерлик хизмати фаолиятини такомиллаштириш ва хизмат кўрсатувчи ташкилотларни ягона электрон тизимга ўтказиш масалалари кўриб чиқилди.

Шунингдек, электрон тизимга ўтишнинг қулайликлари юзасидан атрофлича фикр алмашилди.

Манба: Тошкент шаҳар ҳокимлиги матбуот хизмати