Пойтахт аҳолиси учун яна бир қулайлик яратилди. Тошкент метрополитенининг бекатларида Wi-Fi ҳудудлари ташкил этилмоқда. Ҳозирда “Пахтакор” ва “Алишер Навоий” бекатлари Wi-Fi тармоғига уланган. Мазкур бекатларда 20 дан ортиқ Wi-Fi қурилмалари ўрнатилган.

Маълумотларга кўра, бекатлардаги кутиш вақтида 500 га яқин йўловчилар Wi-Fi тармоғидан фойдаланган.

“Metrotelecom TM” нинг маълум қилишича, фойдаланувчилар операторнинг медиа порталига ташриф буюриши ва онлайн ТВ, фильм, мусиқа ва китобларни кўриш ҳамда юклаб олиш имкониятига ҳам эга. Маълумот учун, 1 босқичда 90 километрлик оптик толали кабеллар метрополитеннинг 29 та бекати оралиғида ўрнатилиб, март ойида ишга туширилиши кўзда тутилган.

Манба: Тошкент шаҳар ҳокимлиги матбуот хизмати