Интеллектуал мулк агентлиги ва Ўзбекистон Хотин-қизлар қўмитаси ҳамкорлигида Корея Республикаси ихтирочи аёллар ассоциасияси (KWIA​) вакиллари билан учрашув бўлиб ўтди. 

Мазкур учрашув Тошкент шаҳридаги ИНҲА университетида республикамизнинг ихтирочи, тадбиркор ва олима аёллари, Интеллектуал мулк агентлиги раҳбарлари ва мутахассислари, Корея Республикаси ихтирочи аёллар ассоциасияси (KWIA​) вакиллари иштирокида бўлиб ўтди.

Интеллектуал мулк агентлиги раҳбари томонидан тадбир қатнашчиларига Ўзбекистон Республикасида интеллектуал мулк Агентлик фаолияти, интеллектуал мулк объектларига ҳуқуқий муҳофаза тақдим этиш бўйича олиб борилаётган ишлар, ўзбек хотин-қизларининг ихтирочилик соҳасига қўшаётган ҳиссаси ва тўғрисида маълумот берилди. 

Корея Республикаси ихтирочи аёллар ассоциасияси (KWIA​) президенти Юн Мунг Хи хоним ташкиллаштирилган учрашув учун миннатдорчилик билдириб, ўзбек олима, тадбиркор аёлларнинг эришаётган ютуқларини юқори баҳолади ва келгусида ушбу саъй-ҳаракатлар уларнинг халқаро майдонга олиб чиқишга хизмат қилишини таъкидлади.

Манба: Ўзбекистон Республикаси Адлия вазирлиги ҳузуридаги Интеллектуал мулк агентлиги