Олий ва ўрта махсус таълим вазирлигида “Agev Investment Limited” компанияси вакиллари билан учрашув бўлиб ўтди.

Учрашувда Олий ва ўрта махсус таълим вазирлиги раҳбарияти, Халқ таълими, Мактабгача таълим вазирликлари, Инвестициялар бўйича давлат қўмитаси вакиллари, Тошкент шаҳар ҳокимлиги мутахассислари ҳамда “Agev Investment Limited” компанияси раҳбари Акаг Гарг, “Дентрейдер” компанияси раҳбари Наримон Алиходжаевлар иштирок этди.

Учрашувда хорижлик инвесторлар билан Тошкент шаҳрида ташкил этилиши режалаштирилган “Minerva University of Uzbekistan” ўқув комплексини қуриш лойиҳаси муҳокама қилинди. Томонлар мазкур инвестицион лойиҳани ташкил этиш, унинг самарали иш фаолиятини йўлга қўйиш бўйича ўзаро фикр алмашдилар.

Манба: Ўзбекистон Республикаси Олий таълим, фан ва инновациялар вазирлиги