Oliy va oʻrta maxsus taʼlim vazirligida “Agev Investment Limited” kompaniyasi vakillari bilan uchrashuv boʻlib oʻtdi.

Uchrashuvda Oliy va oʻrta maxsus taʼlim vazirligi rahbariyati, Xalq taʼlimi, Maktabgacha taʼlim vazirliklari, Investitsiyalar boʻyicha davlat qoʻmitasi vakillari, Toshkent shahar hokimligi mutaxassislari hamda “Agev Investment Limited” kompaniyasi rahbari Akag Garg, “Dentreyder” kompaniyasi rahbari Narimon Alixodjayevlar ishtirok etdi.

Uchrashuvda xorijlik investorlar bilan Toshkent shahrida tashkil etilishi rejalashtirilgan “Minerva University of Uzbekistan” oʻquv kompleksini qurish loyihasi muhokama qilindi. Tomonlar mazkur investitsion loyihani tashkil etish, uning samarali ish faoliyatini yoʻlga qoʻyish boʻyicha oʻzaro fikr almashdilar.