Челябинск давлат маданият институти ректори Рушанин Владимир Яковлевич Ўзбекистон давлат санъат ва маданият институтига ташриф буюрди.

Ташриф давомида Россия делегацияси вакиллари институтда талабалар учун яратилган имкониятлар, ўқув бинолари ҳамда факультетлардаги амалий машғулот жараёнлар билан танишишди.

Шунингдек, Челябинск давлат маданият институти ректори Владимир Яковлевич ҳамда Ўзбекистон давлат санъат ва маданият институти ректори Иброҳим Юлдашевнинг ўзаро учрашуви ҳам бўлиб ўтди.

Унда ҳар иккала институт ректорлари томонидан маданият ва санъат, илм-фанни ўзаро ҳамкорликда ривожлантириш мақсадида келишув шартномалари имзоланди.

Ўзбекистон давлат санъат ва маданият институтида жорий йилда қайта тикланган кутубхоначилик йўналиши малакали кадрлар тайёрлашда Россия олий таълим

муассасаси билан ҳамкорлик қилинади. Ўз навбатида Челябинск давлат маданият институтида туризм йўналишида малакали кадрлар тайёрлашда Ўзбекистон
тажрибасидан ўрганилади.

Манба: Ўзбекистон Республикаси Олий таълим, фан ва инновациялар вазирлиги