Тадбир давомида Ўзбекистон Республикаси, Россия Федерацияси ва Сербия Республикаси делегациялари иштирокида уч томонлама учрашув бўлиб ўтди. Унда ғазначилик тизимида тажриба алмашишнинг долзарб масалалари муҳокама қилинди.

Учрашув давомида Ўзбекистон Республикаси Молия вазирлиги ва Сербия Республикаси Молия вазирлиги Ғазначилиги ўртасида ҳамкорликни ривожлантириш истиқболларига алоҳида эътибор қаратилди.

Томонлар эришилган ижобий натижаларни қайд этиб, уч томонлама формат (Ўзбекистон Республикаси, Россия Федерацияси ва Сербия Республикаси)да ҳамкорликни янада кенгайтиришга келишиб олдилар.

Манба: Ўзбекистон Республикаси Молия вазирлиги