Вилоят ҳокими вазифасини бажарувчи Э.Турдимов ЮНЕСКОнинг Умумжаҳон мероси маркази эксперти Кристина Иаманди хонимни қабул қилди.

Музокаралар доирасида  Самарқанд шаҳридаги моддий-маданий мерос объектлари муҳофазасини яхшилаш бўйича таклиф ва тавсиялар билан ўртоқлашди.

Меҳмонга “Самарқанд сити” қурилиши лойиҳалари тақдим этилди.    – Самарқанд ўзининг тарихий қадамжолари билан ном қозонган маскан ҳисобланади, – дейди К.Иаманди. – Бу ернинг сайёҳлик имконияти йилдан-йилга ошиб бормоқда. Шу боис, Тошкент, Шаҳрисабз, Бухоро каби Самарқанднинг меъморий ёдгорликларини асраш ва сақлаш бўйича ўз таклифларимизни билдирдик.

Қабулдан сўнг, меҳмон Самарқанд шаҳрининг диққатга сазовор жойларини томоша қилди. “Зилол бахт” меҳмонхонасида К.Иаманди хоним ва маҳаллий мутахассислар учун маҳорат дарси ўтказилди.     

Манба: Самарқанд вилояти ҳокимлиги