Туркия Мудофаа вазирлиги Халқаро ҳарбий ҳамкорлик бошқармаси бошлиғи Умит Йилдиз бошчилигидаги ҳарбий делегация Ўзбекистон Республикаси Қуролли Кучлари академиясига ташриф буюрди. 

Ташриф давомида ҳарбий соҳадаги ҳамкорлик масалалари муҳокама қилинди. Жумладан, Туркия томони ўзбекистонлик ҳарбий хизматчиларнинг малакасини оширишга хизмат қиладиган қатор ўқув марказлари ва олий ҳарбий таълим муассасалари рўйхатини тақдим этиб, ҳамкорликка тайёр эканини билдирди. 

Учрашувда икки мамлакат олий ҳарбий билим юртлари ўртасида 2020 йилдан масофадан туриб дарс ўтиш амалиётини жорий этиш масалалари юзасидан фикр алмашилди. 

Манба: ЎзА