Вилоят ҳокимлигида жорий йил 22 октябрь куни Хитой Халқ Республикасининг Циндао шаҳри халқ ҳукумати вакили Ван Синчун раҳбарлигидаги давлат идоралари масъуллари ва тадбиркорлардан иборат делегация билан учрашув бўлиб ўтди.

Учрашув давомида савдо-иқтисодий, инвестиция ва туризм соҳаларида истиқболли лойиҳаларни амалга ошириш юзасидан фикр алмашилди, дўстлик ва инвестицион ҳамкорликни йўлга қўйиш бўйича меморандум имзоланди, "Йўл харитаси" ишлаб чиқилди.

Шунингдек, вилоятимиздаги 40 дан ортиқ салоҳиятли тадбиркорлар иштирокида «Бизнес-форум» ҳамда маҳсулотлар кўргазмаси ташкил этилди.

Делегация аъзолари енгил саноат йўналишида “Istiqlol Texstil Dizayn” МЧЖ, “Art Soft Tex”​ қўшма корхонаси ҳамда қишлоқ хўжалиги ва озиқ-овқат маҳсулотларини ишлаб чиқарувчи экспортёр корхоналардан “Gold Fresh Fruits”​ корхоналари фаолияти билан яқиндан танишдилар.

Манба: Наманган вилояти ҳокимлиги