Дунёда ижтимоий фанларни ривожлантириш ва туркий давлатлар ҳамкорлигини янги поғонага олиб чиқиш учун Ўзбекистон ва Туркия давлатлари катта лойиҳаларни амалга оширмоқда.

“Бухоро куни“ фестивали муносабати билан Бухоро давлат университетида бўлиб ўтган “Халқаро ижтимоий фанлар“ анжуманида Туркия давлати вакиллари ҳам иштирок этишди. Конгрессда Туркиянинг Ўзбекистондаги фавқулодда ва мухтор элчиси Аҳмед Башер Шен, ТИКА раҳбари Али Иҳсан Чаглар, Туркия “Буюк Миллет Межлиси“ парламенти раиси ўринбосари Мустафа Шантоп ҳамда Нобель мукофоти совриндори Азиз Санжар ва Бухоро вилоят ҳокимининг Туризм масалалари бўйича ўринбосари Б.Шахриёров нутқ сўзлашди.

Конференция сўнгида томонлар келажакдаги режалар амалига умид боғлаб ўзаро тақдирлаш маросимини ҳам ўтказишди. БДУ олийгоҳидаги ушбу анжуман келажакда мамлакатимизда ҳам ижтимоий, ҳам фундаментал фанлар ривожига ўз ҳиссасини қўшишига биз ҳам умид билдирамиз. Фестиваль муносабати билан ўтказилаётган тадбирлар давом этмоқда.

Манба: Ўзбекистон Республикаси Туризм ва маданий мерос вазирлиги