2018 йилнинг 4 сентябрь куни Тошкент шаҳридаги Инҳа университетида 9 ёшдан юқори бўлган болалар учун «Дастурлаш соати» акциясини ўтказилади.

Акция Ўзбекистон Республикаси мустақиллигининг 27 йиллиги муносабати билан ўтказилмоқда.

2015 йилда Тошкент шаҳридаги Инҳа университети 9 ёшдан 15 ёшгача бўлган болалар учун “Codecraft”​ лойиҳасини ишга туширилган. Лойиҳанинг мақсади – болажонларнинг барча салоҳиятларини рўёбга чиқариб, компютерда ижодий ишларни бажаришга ўргатишдир.

Ҳозирда лойиҳа доирасидаги дастурлаш курслари “Scratch”​ тилида ўтилиб, “MIT App Inventor 2”​ платформасидаги “Android”​ мобил иловалари асосида веб-сайтларни яратиш ўргатилади.

Акция давомида қатнашчилар бир соат ичида ўйинларни, мобил иловаларни ёки веб-саҳифаларни яратиш бўйича бошланғич билимларни олишади.

Акцияда иштирок этишни истаганлар http://codecraft.uz/hour-of-cоде/ сайти орқали рўйхатдан ўтишлари шарт. Жойлар сони чекланган.

Манба: Ўзбекистон Республикаси Рақамли технологиялар вазирлиги