Аввалроқ, Ўзбекистон миллий терма жамоасини аргентиналик 62 ёшли мутахассис Эктор Рауль Купер бошқариб боришини хабар қилган эдик.

Терма жамоамизнинг янги бош мураббийи бугун тонгги соат 06:10да юртимизга етиб келди. Ислом Каримов номидаги “Тошкент Халқаро Аэропорти”да Эктор Куперни кутиб олиш маросими ташкил қилинди. Аргентиналик мутахассисни футбол жамоатчилиги кутиб олди.

Эслатиб ўтамиз, бугун соат 15:00да Миллий Олимпия қўмитаси анжуманлари залида Эктор Куперни мухлисларга таништириш маросими ҳамда у билан матбуот анжумани ўтказилади.

Анжуман давомида аргентиналик мутахассис ўз режалари билан ўртоқлашиб, журналистлар саволларига жавоб бериб ўтади.

Манба: Ўзбекистон Республикаси Ёшлар сиёсати ва спорт вазирлиги