2018 йилнинг 1 ярим йиллигида Сирдарё вилояти Оқолтин тумани Фарғона ШФЙда “SARDOBA TEX” МЧЖ ишга тушди. “SARDOBA TEX” МЧЖда ҳар хил турдаги трикатаж махсулотлари жумладан футболка, майка ҳамда пахта терми учун фартуклар ишлаб чиқариш йўлга қўйилди.

Лойиҳанинг умумий қиймати 1,100 млн, ўз маблағи 800 млн сум, банк кридити 300 млн сўм. Сўнгги технологиялар билан жиҳозланган ушбу замонавий ишлаб чиқариш корхонасида ишчи-хизматчиларнинг самарали фаолият юритиши учун барча шароитлар яратилган. Ишлаб чиқарилган маҳсулотларни ички бозорда сотиш ҳамда чет давлатларга экспорт қилиш режалаштирилган. Ушбу экспортдан 2018 йил давомида 750 минг АКШ доллари келиб тушиши режалаштирилган.

МЧЖ ишга тушиши билан 84 киши доимий иш ўрнига эга бўлди. Ҳозирги кунда “SARDOBA TEX” МЧЖда жами 79 нафар хотин-қизлар ва 50 нафардан кўпроқ ёшлар иш билан таъминланган.

Манба: Ўзбекистон Республикаси камбағалликни қисқартириш ва бандлик вазирлиги