Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Теннис: Нигина “Фьючерс” турнири ғолиби, Сабина эса илк бор “Уимблдон” турнирида
2018-06-27 | Спорт
Аввал хабар берганимиздек, Андижон, Намангандан кейин Фарғонада ҳам теннис бўйича “Фьючерс” туркумига кирувчи халқаро турнир якунига етди.
Қувонарли томони, мукофот жамғармаси 25 000 АҚШ долларини ташкил қилган мусобақанинг яккалик баҳсларида бош соврин ҳамюртимиз Нигина Абдураимовага насиб этди. Турнирда учинчи рақам остида таснифланган, мамлакатимизнинг иккинчи ракеткаси ҳисобланган Нигина финал беллашувида россиялик Анастасия Фроловага қарши кортга чиқди ва биринчи сетни 6:3 ҳисобида ўз фойдасига ҳал этди. Иккинчи сетнинг иккинчи геймидан сўнг россиялик спортчи курашни давом эттира олмаслигини маълум қилди. Шу тариқа, Нигина Абдураимова Фарғона “Фьючерс” турнири ғолибасига айланди.
Фарғона турнирини эрта тарк этган яна бир ҳамюртимиз - Сабина Шарипова айни пайтда "Уимблдон" турниридаги илк иштирокини бошлаш арафасида турибди.
Теннисчимиз "Улкан тож"ни саралаш босқичидан бошлайди. У илк даврада италиялик 22 ёшли Ясмине Паолинига қарши кортга чиқади.
Таққослаш учун, Сабина WTA рейтингида 133, Ясмине эса 177-ўринда боришмоқда.
Манба: ЎзА
