Ўзбекистон Республикаси Президентининг 2018 йил 11 апрелдаги «Тадбиркорлик фаолияти соҳасидаги лицензиялаш ва рухсат бериш тартиб-таомилларини янада қисқартириш ва соддалаштириш, шунингдек, бизнес юритиш шарт-шароитларини яхшилаш чора-тадбирлари тўғрисида»ги ПФ-5409-сонли Фармони ҳамда 2018 йил 11 апрелдаги «Давлат хизматларини кўрсатиш тизимини жадал ривожлантириш бўйича қўшимча чора-тадбирлар тўғрисида»ги ПҚ-3662-сонли Қарорига мувофиқ 2018 йил 1 июндан бошлаб:

- туризм фаолиятини лицензиялаш Ўзбекистон Республикаси Туризмни ривожлантириш давлат қўмитасининг ҳудудий бошқармалари ва Туризмни ривожлантириш департаментлари томонидан амалга оширилиши;

- туризм фаолиятини амалга ошириш ҳуқуқини берувчи лицензия олиш учун зарур бўлган ҳужжатларнинг топширилиши Давлат хизматлари марказлари ёки Ягона интерактив давлат хизматлари портали (ЯИДХП) орқали амалга оширилиши белгилаб қўйилди.

Манба: Ўзбекистон Республикаси Туризм ва маданий мерос вазирлиги