"Ўзбекистон ҳаво йўллари” миллий авиакомпанияси ва хусусий сайёҳлик компаниялари вакиллари билан биргаликда жорий йилнинг 14-17 июнь кунлари Сеул шаҳрида бўлиб ўтган KOFTA 2018 халқаро сайёҳлик кўргазмасида Ўзбекистон Республикаси Давлат туризм қўмитасининг делегацияси иштирок этди.

Мамлакатнинг туризм салоҳиятини намоён этадиган ранг-баранг ва ёрқин қиёфаси меҳмонларнинг эътиборини тортди. Таъкидлаш жоизки, стендга ушбу кўргазманинг ташкилотчиси “Kotfa Co Ltd”​ компанияси бошлиғи ташриф буюрди. Кореяда ўтказилган Жаҳон туризм ярмаркаси (KOFTA​) ўзининг 33 йиллик тарихи билан Корея Республикасида бўлиб ўтадиган энг йирик халқаро сайёҳлик ярмаркаси бўлиб, унда 70та мамлакат ўз туристик ресурслари ва маданиятини намойиш этиб иштирок этмоқда.

Манба: Ўзбекистон Республикаси Туризм ва маданий мерос вазирлиги