Ўзбекистон Республикаси ИИВ Миграция ва фуқароликни расмийлаштириш бош бошқармаси, Ўзбекистон Республикаси Президентининг 2018 йил 11 апрелдаги “Давлат хизматлари кўрсатиш тизимини жадал ривожлантириш бўйича қўшимча чора-тадбирлар тўғрисида”ги ПҚ-3662-сонли Қарорига мувофиқ, Ички ишлар вазирлиги томонидан Ахборот технологиялари ва коммуникацияларни ривожлантириш вазирлиги билан ҳамкорликда Давлат хизматлари марказлари орқали жисмоний шахслар учун манзил-маълумот ахборотларини тақдим этиш давлат хизмати тажриба тариқасида ишга туширилганлигини маълум қилади.

Эслатиб ўтамиз, бундан ташқари фуқаролар ушбу давлат хизматидан фойдаланиш учун Ягона интерактив давлат хизматлари порталига (my2.gov.uz) ҳам мурожаат қилишлари ҳақида маълумот берган эдик.

Манба: Ўзбекистон Республикаси Ички ишлар вазирлиги