Поп туманида «Фотон дўстлик сервис» МЧЖ Хитойнинг Фотон Мотор ширкати билан ҳамкорликда «ФОТОН» русумли ўрта ҳажмли Хитой юк автомобильлари ишлаб чиқариш лойиҳасини амалга оширишга киришди.

Лойиҳа қиймати 25 миллион АҚШ доллари бўлган ушбу завод учун 15 гектар майдон ва бўш турган эски завод биноси ноль қийматда тақдим этилди. «Фотон дўстлик сервис» масъулияти чекланган жамияти раҳбари Воҳиджон Ҳомидовнинг маълум қилишича, бу ерда йилига 15 минг дона “Фотон Форланд” ўрта ҳажмли юк автомобильлари ишлаб чиқарилади.

Янги қувват тўла ишга тушгач, 300 нафар маҳаллий ёшлар иш билан таъминланади. Уларга хитойлик малакали усталар касб сирларини ўргатади.

Манба: Наманган вилояти ҳокимлиги