Наманган шаҳар Бандликка кўмаклашиш маркази томонидан жорий йилнинг 17 апрел куни Наманган мухандислик технология институтида олий ўқув юрти битирувчилари ва иш билан банд бўлмаган аҳоли, жумладан уюшмаган ёшлар, аёллар ва чет давлатларидан қайтган фуқароларни иш билан таъминлаш мақсадида бўш иш ўринлари меҳнат ярмаркаси ўтказилди.

Ўтказилган меҳнат ярмаркасида 35 та корхона ва ташкилотлар 764 та бўш иш ўринлари билан иштирок этдилар. Ярмарка доирасида жами 352 нафар фуқаролар иштирок этди ва уларнинг 205 нафарига ишга жойлашиш учун йўлланмалар берилди.

Хусусан ярмаркада иштирок этган 134 нафар фуқароларга меҳнат қонунчилиги бўйича тушунчалар берилиб, бўш иш ўринларида белгиланган кафолатлар ва иштиёзлар юзасидан маслахатлар берилди.

Меҳнат ярмаркаси давомида 13 нафар фуқароларни Ташқи мехнат миграцияси томонидан рўйхатга олинди.

Манба: Ўзбекистон Республикаси камбағалликни қисқартириш ва бандлик вазирлиги