Ўзбекистон Республикаси Жиноят кодексининг 246-моддасига биноан божхона назоратини четлаб ёки божхона назоратидан яшириб, декларациясиз ўқ-дориларни Ўзбекистон Республикасининг божхона чегарасидан ўтказиш учун жиноий жавобгарлик белгиланган.

Шунга қарамай айрим фуқаролар томонидан ўқ-дориларнинг божхона чегаралари орқали ноқонуний олиб ўтишга уринишлар кўзга ташланмоқда.

Жумладан, Тошкент вилояти божхона бошқармасининг “Нажимов” чегара-божхона постида қўшни давлатдан пиёда кириб келган фуқаро Р. Д. божхона ходимларининг оғзаки сўрови пайтида ва йўловчи божхона декларациясида маълум қилмасдан туриб, 10 та қутида жами 2 кг. порох, 50 дона 12 мм. калибрдаги патрон, 1536 дона дона капсулаларни божхона назоратидан яширинча олиб киришга уринган пайтда тўхтатиб қолинди.

Эслатиб ўтамиз, амалдаги тартибларга мувофиқ, республикамиз божхона чегаралари орқали қурол-яроғ, ўқотар қурол ва ўқ дориларни контрабанда қилиш 5 йилдан 10 йилгача озодликдан маҳрум қилиш билан жазоланади.

Модомики, шахс ушбу буюмларни ўз ихтиёри билан топширса, жавобгарликдан озод этилади.

Манба: Ўзбекистон Республикаси Давлат божхона қўмитаси