Қозоғистоннинг Чимкент шаҳрида таэквондо (ИТФ) “Chimkent Open 2018” халқаро турнири бўлиб ўтди. Мусобақада совринли ўринлар учун 900га яқин спортчилар баҳс олиб боришди.

Юртдошларимиз умумжамоа ҳисобида мезбонлардан сўнг иккинчи ўринни эгаллашди ва Тожикистон ва Қирғизистон вакилларини ортда қолдиришди.

Қуйидаги ҳамюртларимиз Чимкент турнири чемпиони унвонига сазовор бўлишди: Зулфия Раҳмонова (18 кг гача вазн тоифасида), Дурдона Сатторова (-24 кг), Ойша Тошпўлатова (-40 кг) ва Наврўзбек Акобиров (-30 кг).

Азизбек Содиқов (-26 кг), Феруз Шарипов (-30 кг), Мирфаёз Ҳакимжонов (-55 кг), Муҳаммаджон Муҳаммедов (-57 кг), шунингдек, Чарос Насриддинова (-24 кг), Маҳфуза Жумабоева (-45 кг) ва Маржона Санақулова (-58 кг) кумуш медаллар билан тақдирланди.

Шоҳсупанинг учинчи поғонасидан Ойнур Абдувалиева (-22 кг), Нилуфар Аллабердиева (-35 кг) ва Мирфаёз Ҳакимжонов (-51 кг) жой олди.
 

Зуҳра Эргашева

Манба: Ўзбекистон Республикаси Ёшлар сиёсати ва спорт вазирлиги