Ўзбекистон матбуот ва ахборот агентлигида мамлакатимизда амалий ташриф билан бўлиб турган "Хабар» Агентлиги” АЖ бошқаруви раиси Алмагул Ахметжанова, "Хабар" телеканали директори Ерлан Игисинов ва “Kazakh TV”​ телеканали директори Сандугаш Раимжановадан иборат Қозоғистон Республикаси делегацияси билан учрашув ўтказилди.

Ўзбекистон матбуот ва ахборот агентлиги Бош директори Лазиз Тангриев меҳмонларга Агентлик ва унинг тизимидаги корхоналар фаолияти ҳақида маълумот берди. Учрашувда икки томонлама ҳамкорликнинг бугунги ҳолати ва истиқболлари муҳокама этилди. Томонлар ўзаро алоқаларни сифат жиҳатдан янги босқичга кўтариш учун кенг имкониятлар мавжуд эканини қайд этди.

Манба: Ўзбекистон матбуот ва ахборот агентлиги