O‘zbekiston matbuot va axborot agentligida mamlakatimizda amaliy tashrif bilan bo‘lib turgan «Xabar» Agentligi» AJ boshqaruvi raisi Almagul Axmetjanova, «Xabar» telekanali direktori Yerlan Igisinov va «Kazakh TV» telekanali direktori Sandugash Raimjanovadan iborat Qozog‘iston Respublikasi delegatsiyasi bilan uchrashuv o‘tkazildi.

O‘zbekiston matbuot va axborot agentligi Bosh direktori Laziz Tangriyev mehmonlarga Agentlik va uning tizimidagi korxonalar faoliyati haqida ma’lumot berdi. Uchrashuvda ikki tomonlama hamkorlikning bugungi holati va istiqbollari muhokama etildi. Tomonlar o‘zaro aloqalarni sifat jihatdan yangi bosqichga ko‘tarish uchun keng imkoniyatlar mavjud ekanini qayd etdi.