Бухорода 1 апрел кулгу куни муносабати билан Ўзбекистон Туризмни ривожлантириш Бухоро ҳудудий департаменти ташаббуси билан ташкил этилган "Насриддин Афанди" фестивали вилоятимиз аҳли билан биргаликда чет эллик сайёҳларни ҳам ўз атрофида қамраб олди. Хусусан, Покистон давлатидан ташриф буюрган 30 нафарга яқин сайёҳлар фестиваль доирасида ташкил этилган лойиҳаларда фаол иштирок этиб, миллий қадриятларимиз, урф-одатларимиз, анъаналаримиз билан яқиндан танишишди, миллий таомларимиздан баҳраманд бўлишди.

Фестиваль доирасида миллий куй ва қўшиқлар ташкил этилган бўлиб, Покистон давлати делегацияси мазкур куй қўшиқларга мароқ билан рақсга тушишди.

Манба: Ўзбекистон Республикаси Туризм ва маданий мерос вазирлиги