O`zbekiston Respublikasi
Hukumat portali
“Nasriddin Afandi” festivaliga pokistonlik sayyohlarning tashrifi
2018-04-05 | Turizm
Buxoroda 1-aprel kulgu kuni munosabati bilan O‘zbekiston Turizmni rivojlantirish Buxoro hududiy departamenti tashabbusi bilan tashkil etilgan “Nasriddin Afandi” festivali viloyatimiz ahli bilan birgalikda chet ellik sayyohlarni ham o’z atrofida qamrab oldi. Xususan, Pokiston davlatidan tashrif buyurgan 30 nafarga yaqin sayyohlar festival doirasida tashkil etilgan loyihalarda faol ishtirok etib, milliy qadriyatlarimiz, urf-odatlarimiz, an’analarimiz bilan yaqindan tanishishdi, milliy taomlarimizdan bahramand bo’lishdi.
Festival doirasida milliy kuy va qo'shiqlar tashkil etilgan bo‘lib, Pokiston davlati delegatsiyasi mazkur kuy qo‘shiqlarga maroq bilan raqsga tushishdi.