Ўзбекистон Республикаси
Ҳукумат портали
Шоҳжаҳон Эргашев WBA рейтингининг тўққизинчи поғонасига чиқиб олди
2018-04-03 | Спорт
Жаҳон бокс уюшмаси - WBA бугун янги рейтингини эълон қилди. Унга кўра, енгилмас профессионал боксчимиз Шоҳжаҳон Эргашев (12-0, КО 12) кучли ўнликка кирди ва дунёнинг тўққизинчи рақамли боксчисига айланди.
– Бу кўтарилиш фақат мен учун эмас балки бутун ўзбек халқининг кўтарилишидир. Мен кутаётган чемпионлик камарига эга чиқишимга бор йўғи саккиз поғона қолди ва мен аста-секинлик билан ушбу поғоналарни босиб ўтишимга ишонаман, – дейди Шоҳжаҳон Эргашев.
Эслатиб ўтамиз, Шоҳжаҳон Эргашев Бруклиндаги «Barclays Center» спорт мажмуасида 28 апрель куни навбатдаги жангини ўтказади.
Жавоҳир Тошхўжаев, ЎзА
Манба: ЎзА