Ўзбекистон ёшлар иттифоқи матбуот хизмати берган маълумотларга кўра, Республика ёш ижодкорлар кенгаши ташаббуси билан Қашқадарё вилоятининг Шаҳрисабз шаҳрида ижодий фестиваль бўлиб ўтади.

Унда ёшлар шеърият, наср, драматургия, публицистика, бадиий таржима ва тасвирий санъат йўналишларида иштирок этиши мумкин. Унинг якунига кўра, ғолиблар эсдалик совғалари билан тақдирланади. Шунингдек, фаол ижодкорлар йил якунида бўлиб ўтадиган “Тошкент илҳомлари” ҳисобот фестивалида иштирок этиш учун “олтин чипталар” (Golden tickets)га ҳам эга бўлади. 

Ариза ва ижодий ишлар Ёшлар иттифоқининг ҳудудий кенгашларида 1 апрелга қадар қабул қилинади. 

Апрел ойининг биринчи ўн кунлигида кўриб чиқилган ариза ва мурожаатлардан сўнг фестиваль бошланади. Ундаги ижодий ишлар китоб шаклида чоп этилиши режалаштирилмоқда.

Манба: ЎзА