Бандлик ва меҳнат муносабатлари вазирлигида Корея халкаро ҳамкорлик агентлигининг (KOICA) Ўзбекистондаги ваколатхонаси директор ўринбосари Хан Сонг И билан учрашув бўлиб ўтди.

Учрашувда юртимизда аҳоли бандлигини таъминлаш, ишсиз ва банд бўлмаган аҳолини касб - ҳунарга ўқитиш соҳаси ва келгусидаги истиқболли режалар муҳокама қилинди.

Ҳусусан, Бандлик ва меҳнат муносабатлари вазири А.Хаитов KOICAнинг Ўзбекистондаги ваколатхонаси директор ўринбосари Хан Сонг И билан Шахрисабз шаҳридаги ишсиз ва банд бўлмаган аҳолини касб-ҳунарга ўқитиш марказининг жиҳозлаш ишларини ниҳоясига етказиш ва марказнинг очилиши бўйича режаларни келишиб олди.

Учрашув давомида ҳудди шундай марказ Фарғона шаҳридаги ишсиз ва банд бўлмаган аҳолини касб-ҳунарга ўқитиш марказининг қурилиш ишларини ташкил этиш юзасидан амалий ишлар режаси муҳокама этилди.

Шунингдек, Тошкент ва Самарқанд шаҳридаги ишсиз ва банд бўлмаган аҳолини касб-ҳунарга ўқитиш марказлари учун келгусида амалга оширилиши режалаштирилган янги лойиҳалар ва грандлар юзасидан фикр алмашишди.

Учрашув сўнгида томонлар келгусидаги истиқболли режалар ва ўзларини қизиқтирган саволлар юзасидан фикр алмашишди.

Манба: Ўзбекистон Республикаси камбағалликни қисқартириш ва бандлик вазирлиги