2018 йилнинг 28 февраль куни Ўзбекистон Республикаси ва Европа инвестиция банки ўртасидаги 2017 йил 13 октябрь куни Вашингтон шаҳрида имзоланган EИБнинг мамлакатимиз ҳудудида фаолиятига оид ҳадли битим кучга кирди.

Ҳадли битим ЕИБнинг Ўзбекистон Республикасида фаолиятини амалга ошириш учун ҳуқуқий асосларни вужудга келтиради.

Ушбу ҳужжат мамлакатимизда йирик ижтимоий аҳамиятга эга лойиҳаларни амалга ошириш учун ЕИБнинг молиявий воситаларидан фойдаланиш имконини беради ва Ўзбекистон ҳамда Европа Иттифоқи ўртасидаги молиявий ва техникавий ҳамкорликни янада ривожлантиришга хизмат қилади.

Манба: “Дунё” ахборот агентлиги