Мамлакатимиз Қуролли Кучларининг дунёдаги етакчи давлатлар армиялари билан ҳарбий ҳамкорлик дастури доирасида ташкил этилган тадбирда Германия қуролли кучлари тузилмаларининг ўзига хос жиҳатлари ҳақида сўз борди. 

Й.Фишер Германияда аҳоли кексайиши туфайли ҳарбий хизмат масаласида муаммолар юзага келаётган бир пайтда ёшлар кўпчиликни ташкил этадиган Ўзбекистонда аксарият йигитлар армия хизматига интилаётганини ижобий баҳолади. 

Қуролли Кучлар академияси малака ошириш факультетининг қўмондонлик бўғини офицерларини тайёрлаш бўйича олий курс тингловчилари маърузани катта қизиқиш билан тинглади. 

– Германия ҳарбий атташесининг маърузаси дунёдаги етакчи давлатлар армияларига оид билимларимизни бойитишга ёрдам берди, – деди академия тингловчиси майор Ғолибжон Каримов. – Миллий армияни ривожлантиришда илғор халқаро тажриба муҳим ўрин тутади. 

Манба: ЎзА