Ўзбекистон Республикаси
Ҳукумат портали
5 миллиард сўмлик лойиҳа ишга тушди
2018-02-28 | Соғлиқни сақлаш
Навоий шаҳрида “Навмед” кўп тармоқли диагностика маркази иш бошлади.
“Тибфарммаҳсулот” масъулияти чекланган жамияти томонидан амалга оширилган лойиҳанинг умумий қиймати 5 миллиард сўмдан иборат бўлиб, муассасага Хитой, Жанубий Корея, Венгрия давлатларидан тиббий ускуналар келтирилиб, ўрнатилди.
– Бу ерда сўнгги русумдаги МРТ, УТТ, ЭКГ ускуналари ёрдамида лаборатория, неврология, кардиология текширувлари ўтказилади, – дейди марказ бош шифокори Б.Раҳмонов. – Клиникамиз бир кунда 100 нафар беморни текширувдан ўтказиш имкониятига эга.
Муассасада бугунги кунда 12 нафар малакали ходим аҳолига тиббий хизмат кўрсатмоқда.
Манба: ЎзА