Navoiy shahrida “Navmed” ko‘p tarmoqli diagnostika markazi ish boshladi.

“Tibfarmmahsulot” mas’uliyati cheklangan jamiyati tomonidan amalga oshirilgan loyihaning umumiy qiymati 5 milliard so‘mdan iborat bo‘lib, muassasaga Xitoy, Janubiy Koreya, Vengriya davlatlaridan tibbiy uskunalar keltirilib, o‘rnatildi. 

– Bu yerda so‘nggi rusumdagi MRT, UTT, EKG uskunalari yordamida laboratoriya, nevrologiya, kardiologiya tekshiruvlari o‘tkaziladi, – deydi markaz bosh shifokori B.Rahmonov. – Klinikamiz bir kunda 100 nafar bemorni tekshiruvdan o‘tkazish imkoniyatiga ega. 

Muassasada bugungi kunda 12 nafar malakali xodim aholiga tibbiy xizmat ko‘rsatmoqda.