Кўриниш
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Андижонда яна битта табиий газ кони аниқланди
2018-02-22 | Иқтисодиёт
Яқин кунларда Андижон вилоятининг Булоқбоши туманида яна бир газ қудуғи ишга туширилади. Маълумки, ўтган йил ноябрь ойида Булоқбоши тумани Учтепа қишлоғи ҳудудида табиий газ кони топилгани ҳақида хабар тарқалган эди.
Мамлакатимизда нефть, табиий газ захираларини аниқлаш, геология-қидирув ишларини самарали ташкил этиш масалаларига алоҳида эътибор қаратилмоқда. Бу эса янги-янги ер ости бойликлари захираларини аниқлаш имконини бераётир.
“Ўзнефтгазқазибчиқариш” акциядорлик жамиятининг “Андижоннефть” ҳамда «Қўқон пармалаш ишлари» акциядорлик жамиятлари мутахассислари томонидан олиб борилган геология-қидирув ишлари натижасида Булоқбоши тумани Учтепа қишлоғи ҳудудида табиий газ кони мавжудлиги аниқланиб, белгиланган тартибда қазиш ва пармалаш ишлари амалга оширилди.
Қазиб олинаётган газ эса, “Ўзтрансгаз” акциядорлик жамиятининг Андижон вилояти газ таъминоти ҳудудий филиали томонидан истеъмолчиларга етказиб берилмоқда.
Ҳудудда мавжуд ер ости табиий газ захираларини аниқлаш мақсадида геология-қидирув ишлари давом эттирилмоқда.
Манба: ЎзА
