Мамлакатимизда ёш авлодни ҳар жиҳатдан соғлом, миллий ва умуминсоний қадриятларга садоқат руҳида вояга етказишга қаратилган улкан эътибор таълим-тарбиянинг муҳим бўғини ҳисобланган болалар спорти ривожида ҳам ўзининг ёрқин ифодасини топмоқда.

5-8 февраль кунлари Бухоро вилоятида «Фарзандлари соғлом юрт қудратли бўлур», деган мезонга муштарак равишда ЎФА томонидан ташкил этилган «Келажагимиз умидлари» футбол фестивальи ҳам бўлиб ўтди.

«Ҳумо» спорт мажмуаси мезбонлигида ўтган турнирда 4 ёш тоифасида вилоятнинг барча шаҳар ва туманларидан 100 нафардан ортиқ ёшлар 10 та жамоа бўлиб баҳс олиб боришди.

Фестиваль иштирокчиларига ЎФА ва вилоят спорт бошқармасининг эсдалик совғалари ва фахрий ёрлиқлар топширилди.

Манба: Бухоро вилояти ҳокимлиги