O`zbekiston Respublikasi
Hukumat portali
Yosh futbolchilar o‘z mahoratini namoyish etishdi
2018-02-12 | Sport
Mamlakatimizda yosh avlodni har jihatdan sog‘lom, milliy va umuminsoniy qadriyatlarga sadoqat ruhida voyaga yetkazishga qaratilgan ulkan e’tibor ta’lim-tarbiyaning muhim bo‘g‘ini hisoblangan bolalar sporti rivojida ham o‘zining yorqin ifodasini topmoqda.
5-8 fevral kunlari Buxoro viloyatida “Farzandlari sog‘lom yurt qudratli bo‘lur”, degan mezonga mushtarak ravishda O‘FA tomonidan tashkil etilgan “Kelajagimiz umidlari” futbol festivali ham bo‘lib o‘tdi.
“Humo” sport majmuasi mezbonligida o‘tgan turnirda 4 yosh toifasida viloyatning barcha shahar va tumanlaridan 100 nafardan ortiq yoshlar 10 ta jamoa bo‘lib bahs olib borishdi.
Festival ishtirokchilariga O‘FA va viloyat sport boshqarmasining esdalik sovg‘alari va faxriy yorliqlar topshirildi.