Умр ва мазмун, қисмат ва моҳият, руҳият ва қалб кенгликлари ҳамиша адабиётнинг муҳим тадқиқотларидан бири бўлиб келган. “Қалбга инган нур” деб номланган ушбу рисолада, таниқли журналист Лазиз Тангриев, шукроналик ҳисси билан, энг ёруғ ўй-кечинмаларини, эзгулик чашмасида чайилган энг мусаффо туйғуларини китобхон эътиборига тақдим этади. Муаллифнинг бобокалонларидан қалбига туташган нур ёғдуси мутоала давомида китобхоннинг ҳам қалбига туташиб кетади ва китобхон беихтиёр ажиб бир енгиллик, ҳузурбахш бир ёрқинликни юрак-юрагидан ҳис этади. Қолаверса, Лазиз Тангриев, бир муборак сафар жараёни ҳақида беҳад тўлқинланиб: — “Ҳаж сафари. Дунёдаги жамики мўмин-мусулмонлар орзиқиб интиладиган, ҳаж деган сўзни эшитгандаёқ ҳаяжондан беадоқ энтикадиган буюк саодат. Қанчадан-қанча аждодларимиз кўзларида ёш, қалбларида чексиз армон билан Каъбатуллоҳни тавоф қилиш дардида яшаб ўтишди...” — дейди.

Манба: ЎзА