«Ўзбеккино» миллий агентлигида киноиндустрия соҳасида таниқли халқаро эксперт Биргит Бемерс билан учрашув бўлиб ўтди.

– Ўзбекистон киноси тарихидан яхши хабардорман, – дейди Б.Бемерс. – Унинг бугунги ҳолати билан яқиндан танишиб, ривожига ўз ҳиссамни қўшиш ниятидаман. Маълумки, ЮНЕСКО ташкилотининг Ўзбекистондаги ваколатхонаси томонидан ўзбек кинематографиясини янада ривожлантириш борасида тадқиқот ишлари олиб борилмоқда. Мақсад – юртингизда киноиндустрия соҳаси самарадорлигини оширишга кўмаклашишдан иборат. 

ЮНЕСКОнинг мазкур тадқиқот натижалари жорий йилнинг 24-25 январь кунлари пойтахтимизда бўлиб ўтадиган давра суҳбатида муҳокама этилади. Шунингдек, ёш киноижодкорлар учун кино лойиҳалари ишлаб чиқаришга бағишланган икки кунлик семинар-тренинг ҳам ташкил этилади. Семинарда Б.Бемерс хоним ёшларга маҳорат дарслари ўтади.

Манба: ЎзА