Тошкентдаги Инҳа университетида Президентимизнинг 2017 йил 28 декабрдаги “2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол тадбиркорлик, инновацион ғоялар ва технологияларни қўллаб-қувватлаш йили” да амалга оширишга оид Давлат дастури лойиҳасини ишлаб чиқишга доир ташкилий чора-тадбирлар тўғрисида" ги фармойиши ижроси доирасида “Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастури лойиҳасининг ижтимоий муҳокамаси бўлиб ўтди. 

Тадбирда “Тараққиёт стратегияси” маркази мутахассислари, жамоат ташкилотлари вакиллари, ўқитувчи ва талабалар иштирок этди. 

Унда давлат дастури қонун устуворлигини таъминлаш, суд-ҳуқуқ тизимини янада ислоҳ қилиш, иқтисодиёт, ижтимоий соҳаларни ривожлантириш ва либераллаштиришга хизмат қиладиган давлат ва жамият қурилиши тизимини такомиллаштиришга доир чора-тадбирларни ўз ичига олиши таъкидланди. 

Тадбир доирасида иштирокчилар давлат дастурининг асосий бандларини муҳокама қилди, инновацион ғоя ва технологияларни қўллаб-қувватлашга доир таклифлари билан ўртоқлашди. Шунингдек, таълим соҳаси ҳамда иқтисодиётнинг турли соҳалари учун юқори малакали кадрларни тайёрлашни ривожлантириш масалалари муҳокама қилинди.

Манба: ЎзА