Баҳолаш фаолиятини янада ривожлантириш мақсадида ўтган ҳисобот даврида мавжуд норматив базани янада такомиллаштириш бўйича маълум ишлар амалга оширилди. Ҳусусан, Давлат рақобат қўмитасининг Мулкни баҳолаш миллий стандарти (8 сон МБМС) «Хусусийлаштириш мақсадида мулк қийматини баҳолаш» ва (9 сон МБМС) «Бизнес қийматини баҳолаш» тўғрисидаги норматив ҳужжатларга ўзгартириш ва қўшимчалар киритиш бўйича қарорлари ишлаб чиқилди.

Давлат рақобат қўмитаси ва Халқаро Молия Корпорацияси билан ҳамкорликда Мулкни баҳолаш миллий стандарти (14-сон МБМС) «Товар-моддий бойликларни баҳолаш» ва Мулкни баҳолаш миллий стандарти ( 15-сон МБМС) «Машина ва ускуналар қийматини баҳолаш» бўйича норматив ҳужжат ишлаб чиқилди.

Баҳоловчи малакасини олиш учун 12 та малака имтиҳонлари ўтказилди. 475 та талбгордан 142 таси баҳоловчи малака сертификатини олди. 2017 йилнинг 31 декабрь ҳолатига жами бўлиб 1009 та баҳоловчи малака сертификати амалда.

Эксперт комиссияси томонидан 29 та юридик шахсларнинг баҳолаш фаолиятини амалга ошириш учун литсензия олиш тўғрисидаги мурожаатлари кўриб чиқилди. 19 та литсензия берилди. 2017 йилнинг 31 декабрь ҳолатига жами бўлиб 219 та литсензия амалда бўлиб шундан:

• 192 таси бизнесни баҳолаш бўйича;
• 22 таси кўчар мулкни баҳолаш бўйича;
• 5 таси кўчмас мулкни баҳолаш бўйича.

Манба: Ўзбекистон Республикаси Давлат активларини бошқариш агентлиги