Бошқармада замонавий электрон лазерли ўқ отиш хонаси ва мазкур хонада махсус ўқув синфи ташкил этилиб, зарурий кўргазмали ўқув материаллари билан таъминланган. Бошқарма шахсий таркибининг хизмат ўқ отар қуролидан фойдаланиш бўйича назарий ва амалий кўникмаларини мустаҳкамлаш бўйича алоҳида машғулотлар графиги ишлаб чиқилиб, масъул ходимлар томонидан доимий равишда ўқув машғулотлари ўтказиб борилиши йўлга қўйилган. 

Шунингдек, ходимларнинг жисмоний тайёргарлик даражасини ошириш мақсадида, тасдиқланган график асосида доимий равишда, ҳафтада икки маротаба машғулотлар ўтказилиб, спортнинг барча турлари билан шуғулланиш учун шароитлар яратилган. Жумладан, бошқарма спорт залида ташкил этилган тренажёр комплекси бугунги кунга келиб замонавий спорт анжомлари билан жиҳозланган бўлиб, ушбу шароитлар бошқарма ходимларининг соғлом турмуш тарзини яратиш, республика ва вилоят миқёсида ўтказиладиган спорт мусобақаларида бошқарма шаънини муносиб ҳимоя қилишлари учун замин бўлиб хизмат қилмоқда. 

Масалан, ўтган давр мобайнида Давлат божхона қўмитаси ҳудудий бошқармалари ҳамда вилоят ҳуқуқни муҳофаза қилувчи органлари жамоалари ўртасида спортнинг футбол, волейбол, миллий кураш, стол тенниси, енгил атлетика ва сузиш турлари бўйича ўтказилган мусобақаларда бошқарма ходимлари муносиб иштирок этишиб, умумжамоа ҳисобида фахрли ўринларни эгаллашди.

Қурбон Тошбоев 
Сурхондарё вилояти божхона
 бошқармаси ходими

Манба: Ўзбекистон Республикаси Давлат божхона қўмитаси