Кўриниш
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
«Олтин ҳафталик» – янги йил байрами кунларида мароқли саёҳатлар
2018-01-06 | Туризм
Муҳтарам Президентимиз томонларидан юртимизда янги йил байрамини янада кўтаринки кайфиятда ўтказиш ва дам олиш учун қўшимча шарт-шароитлар яратиш мақсадида эълон қилинган 5 кунлик дам олиш даври - «Олтин ҳафталик» сифатида Бухоро аҳолисини ҳам қувонтирди.
Бу борада Вазирлар Маҳкамаси ва Туризмни ривожлантириш давлат қўмитаси томонидан ишлаб чиқилган чора-тадбирлар асосида «Ўзбекистон бўйлаб саёҳат қил» шиори остида дам олиш кунлари «Ўзбекистон ҳаво йўллари» ва «Ўзбекистон темир йўллари» компаниялари томонидан йўловчиларга чегирмалар жорий этилганлиги, шунингдек, меҳмонхона ва ресторанларда 50 фоизгача махсус чегирмалар эълон қилиниши Бухорога саёҳатчилар оқимини янада оширди.
Меҳмонхона ва ресторанлар вакиллари эса сайёҳлар оқими кўпайишидан мамнун бўлиб, аввалги йилларда шу даврда мижозларнинг кескин камайиши оқибатида ишчи-ходимларига таътил беришга мажбур бўлишларини, эндиликда эса уларнинг тўлиқ қувватда ишлаш имконияти пайдо бўлганлигини алоҳида таъкидлашди.
Янги йил байрамининг дам олиш кунлари Бухоро вилоятининг аҳолиси, жумладан Бухоро шаҳридаги нефть ва газ саноати, политехника, туризм, тиббиёт коллежлари, Қоракўл, Пешку ва Ромитан тумани мактабларининг юзлаб ўқитувчи-мураббийлари маданий-мерос объектлари ва зиёратгоҳларга саёҳатга қилишди.
Ҳозирда Бухорода янги йил байрами шукуҳи ва мароқли саёҳатлар давом этмоқда.
Туризмни ривожлантириш давлат қўмитаси Матбуот хизмати
Манба: Ўзбекистон Республикаси Туризм ва маданий мерос вазирлиги
