Жорий йилнинг 26 декабрь куни Адлия вазирлиги ишчи гуруҳи Россия Федерациясига ташрифи давомида Иқтисодий ривожланиш вазирлиги ходимлари билан учрашишди.

Учрашув давомида Ўзбекистон Республикаси Адлия вазирлигининг ишчи гуруҳи “Менинг ҳужжатларим” («Мои документы») – давлат ва коммунал хизматларини кўрсатувчи Кўп функционал марказларни ривожлантириш ва такомиллаштириш бўйича тадбирлар билан танишишди. КФМ хизматларидан аҳолининг 90% дан ортиғи фойдаланиши мумкин.

Россия Федерацияси ҳудудида 2600дан ортиқ КФМ ва 10100 дан ортиқ давлат ва коммунал хизматлари идоралари фаолият кўрсатмоқда. “Ягона дарча” сони одамларнинг сони ва ҳудудий жойлашувига боғлиқ: 1 “ягона дарча” - 2 минг кишига хизмат кўрсатади. КФМ бюджетдан молиялаштирилади. КФМ фаолияти Россия Федерацияси Иқтисодий ривожланиш вазирлиги томонидан амалга оширилади. Аҳолини “ягона дарча” билан қамраб олиш кўрсаткичи тахминан 94% ни ташкил этади.

Шундай қилиб, КФМ давлат ва коммунал хизматларни кўрсатиш жараёнларини ташкил этувчи ташкилот бўлиб, унинг асосий вазифаси мамлакат аҳолисига хизмат кўрсатишдир. КФМ федерал ва қуйи тизимларда белгиланган хизматларни тақдим этади. КФМ дам олиш кунларисиз ҳафтасига эрталаб соат 8 дан кеч соат 8 гача аҳолига хизмат кўрсатади.

Ташриф давомида ишчи гуруҳ Москва шаҳридаги КФМ лардан бирининг иш фаолияти билан танишишди.

Манба: Ўзбекистон Республикаси Адлия вазирлиги