Ўзбекистон Республикаси Қишлоқ ва сув хўжалиги вазирлиги ҳамда Ўзбекистон Ёшлар Иттифоқи ўртасида ўзаро ҳамкорлик тўғрисидаги Меморандум имзоланди

O'zbekcha Ўзбекча Қарақалпақша Русский English

Ўзбекистон Республикаси
Ҳукумат портали

Умумий бўлим:	+998 (71) 239-8676
Девонхона:	+998 (71) 239-8260, +998 (71) 239-8486
Фуқаролар қабули, хат ва аризаларни кўриб чиқиш бўлими:	+998 (71) 239-8114
Факс:	+998 (71) 239-8463

Соҳа бўйича янгиликлар

Архив

‹	2024	›

Давлат ҳокимияти

Календарь

Воқеалар

	Президентга мурожаат
	Тадбиркор виртуал офиси
	Норматив-ҳуқуқий ҳужжатлар таъсирини баҳолаш тизими
	Давлат органлари ишонч телефонлари
	Ҳукумат болалар нигоҳида

Порталда янгилик

Сен –қудрат манбаи, саодат маскани, жонажон Ўзбекистоним! Батафсил>>>
Оммавий савдолар орқали сотилиши белгиланган давлат мулки объектлари Батафсил>>>
"Давлат органлари ижтимоий тармоқларда" саҳифаси Батафсил>>>
Жонажон Ўзбекистоним, мангу бўл омон! Батафсил>>>
«Очиқ бюджет» саҳифаси Батафсил>>>

Ўзбекистон Республикаси Қишлоқ ва сув хўжалиги вазирлиги ҳамда Ўзбекистон Ёшлар Иттифоқи ўртасида ўзаро ҳамкорлик тўғрисидаги Меморандум имзоланди

2017-11-29 | Жамият

Жорий йилнинг 29 ноябрь куни Ўзбекистон Республикаси Қишлоқ ва сув хўжалиги вазирлигида Ўзбекистон Ёшлар Иттифоқининг Ўзбекистон Республикаси Қишлоқ ва сув хўжалиги вазирлигидаги Етакчилар Кенгашининг таъсис йиғилиши бўлиб ўтди. Унда вазирлик тизимидаги ташкилот, муассаса ва корхоналарнинг Ёшлар иттифоқи бошланғич ташкилоти етакчилари, Ўзбекистон Ёшлар иттифоқи Марказий Кенгаши масъул ходимлари, иқтидорли ёшлар, кенг жамоатчилик вакиллари ҳамда оммавий ахборот воситалари ходимлари қатнашди.

Ўзбекистон Республикаси Бош вазирининг ўринбосари–қишлоқ ва сув хўжалиги вазири З.Мирзаев, Ўзбекистон Республикаси Президентининг Давлат маслаҳатчиси–Ўзбекистон Ёшлар Иттифоқи Марказий Кенгаши раиси Қ.Қуронбоев ва бошқалар мамлакатимиз Президенти Ш.Мирзиёев томонидан ёшларга ўзининг бор билим ва иқтидорини юртимиз тараққиётига муносиб ҳисса қўшишга йўналтиришлари учун барча шарт-шароитлар яратиб берилаётганлигини, бу борадаги ишларга давлат сиёсатининг устувор йўналишларидан бири сифатида эътибор қаратилаётганлигини таъкидлади.

Ўзбекистон Республикаси Президентининг 2017 йил 5 июлдаги “Ёшларга оид давлат сиёсати самарадорлигини ошириш ва Ўзбекистон Ёшлар Иттифоқи фаолиятини қўллаб-қувватлаш тўғрисида”ги фармонида мамлакатимизда ёшларга оид давлат сиёсатини изчил ва самарали амалга ошириш, ёшларни ҳар томонлама қўллаб-қувватлаш, ҳуқуқ ва қонуний манфаатларини ҳимоя қилиш тизимини тубдан ислоҳ этиш билан боғлиқ вазифаларнинг янги босқичини бошлаб берди.

Йиғилишда Ўзбекистон Ёшлар Иттифоқининг Ўзбекистон Республикаси Қишлоқ ва сув хўжалиги вазирлигидаги Етакчилар Кенгашининг раисини сайлаш масаласи кўриб чиқилди. Вазирликнинг Бюджет ташкилотлари ва муассасаларини молиялаштириш бошқармаси бошлиғининг ўринбосари Р.Нуржанов Етакчилар Кенгашининг раиси этиб сайланди.

Йиғилиш доирасида Ўзбекистон Республикаси Қишлоқ ва сув хўжалиги вазирлиги ҳамда Ўзбекистон Ёшлар Иттифоқи Марказий Кенгаши ўртасида ёшлар масалалари соҳасида ўзаро ҳамкорлик тўғрисидаги Меморандум имзоланди.

Мазкур ҳужжатда томонларнинг соҳадаги умумий манфаатларидан келиб чиқиб, чора-тадбирларни амалга ошириш ва муштарак мақсадларга эришиш юзасидан ўзаро стратегик ҳамкорлик фаолиятини таъминлаш, жумладан, ёшлар ўртасида қишлоқ ва сув хўжалиги тармоқларида фан ва техника ютуқларини, замонавий ресурслар ва сувни тежовчи агротехнологияларни, илғор маҳаллий ва хорижий тажрибаларни жорий қилишга доир тарғибот ишларини олиб бориш, қишлоқ хўжалигини жадал ҳамда мутаносиб равишда ривожлантириш, мамлакатнинг озиқ-овқат хавфсизлигини таъминлаш, қишлоқ хўжалиги маҳсулотларини етиштириш, ишлаб чиқариш ва реализация қилишга жалб қилиш орқали ёшларнинг бандлиги ва даромадларини ошириш, ички бозорда озиқ-овқат маҳсулотлари нархларининг барқарор даражасини сақлаб қолишга йўналтирилган комплекс мақсадли, тармоқ ва ҳудудий дастурларини ишлаб чиқиш ва уларнинг бажарилишини таъминлаш билан боғлиқ қатор вазифалар белгилаб олинди.

Манба: Ўзбекистон Республикаси Қишлоқ хўжалиги вазирлиги

‹						›
Дш	Сш	Чш	Пш	Жм	Шн	Як