Ўзбекистон шахмат федерацияси томонидан ташкил этилган мусобақада юздан ортиқ шахматчи турли ёш тоифаларида «А» ва «В» гуруҳларида ғолиблик учун ўзаро баҳслашди.

«А» гуруҳида 9 турда 7,5 очко тўплаган қашқадарёлик Умар Исомов олтин медални қўлга киритди. 7 очко жамғарган сурхондарёлик Муҳаммадали Абдураҳмонов кумуш, 6,5 очко тўплаган Тошкент вилояти вакили Самандар Шермуҳамедов бронза медални қўлга киритди. 

«В» гуруҳидаги баҳсларда қашқадарёлик Даврон Шарипов 8 очко тўплаган ҳолда шоҳсупанинг энг юқори поғонасига кўтарилди. Тошкентлик Бобур Йўлдошев ва Муҳаммадиқбол Анваржонов иккинчи ва учинчи ўринлардан жой олди. 

Жавоҳир Тошхўжаев, ЎзА 

Манба: ЎзА