O‘zbekiston shaxmat federatsiyasi tomonidan tashkil etilgan musobaqada yuzdan ortiq shaxmatchi turli yosh toifalarida «A» va «V» guruhlarida g‘oliblik uchun o‘zaro bahslashdi.

«A» guruhida 9 turda 7,5 ochko to‘plagan qashqadaryolik Umar Isomov oltin medalni qo‘lga kiritdi. 7 ochko jamg‘argan surxondaryolik Muhammadali Abdurahmonov kumush, 6,5 ochko to‘plagan Toshkent viloyati vakili Samandar Shermuhamedov bronza medalni qo‘lga kiritdi. 

«В» guruhidagi bahslarda qashqadaryolik Davron Sharipov 8 ochko to‘plagan holda shohsupaning eng yuqori pog‘onasiga ko‘tarildi. Toshkentlik Bobur Yo‘ldoshev va Muhammadiqbol Anvarjonov ikkinchi va uchinchi o‘rinlardan joy oldi. 

Javohir Toshxo‘jayev, O‘zA